رسالة قاسية نجوى كرم الى السياسيين في لبنان

admin
2020-08-08T20:04:19+03:00
2020-08-08T20:09:40+03:00
الفن و ثقافة
admin8 أغسطس 2020آخر تحديث : منذ شهرين

نجوى كرم تصف السياسيين اللبنانيين بأولاد الأفاعي

وجهت الفنانة ​نجوى كرم​ رسالة شديدة اللهجة إلى السياسيين اللبنانيين، مطالبة إياهم بالرحيل ومنتقدة تعاطيهم في إدارة البلد، خصوصاً بعد الكارثة التي ألمت بلبنان واللبنانيين أمس بسبب الإنفجار الذي وقع في مرفأ بيروت.
واختارت نجوى أن تخاطب السياسيين بصوتها عبر مقطع فيديو نشرته في صفحتها الرسمية على أحد مواقع التواصل الاجتماعي، بدت فيه صورتها وهي تضم كفي يديها وتصلي، وبدا خلفها الدمار الهائل الذي حل في بيروت، وأرفقت الفيديو بتقدمها بالتعازي لذوي الضحايا وكذلك التمنيات بالشفاء العاجل للجرحى المصابين من جراء الانفجار، وأضافت “هاي رسالة لكل السياسيين”.
وقالت نجوى في الفيديو ما حرفيته: “كأنو ما صار شي ومبلا صار وكتّر.. دبحتونا ودبحتو البلد متل كأنو ما صار شي، طفيتو أهدافنا وأحلامنا والبكرا تبعنا، ومتل كأنو ما صار شي، هجرتو ولادنا وأدمغتنا ومتل كأنو ما صار شي، نهبتونا وسرقتونا وفلستونا متل كأنتو ما صار شي، وقال شو وبكل وقاحة قالولنا بكرا بيتعودو، ولك يعودكن العمى أقلا شي، مش ملككن نحنا ..ولا محط تجاربكن وحقل لتحقيق أمنياتكن ..ولك لازم ثورة تفوت عبيوتكن تتحسسكن بيلي عم نحسو.. هيدا إذا كان عندكن أساسا فيه احساس يا أولاد الأفاعي.. شغلتو فينا المستشفيات وأطبا النفس.. خليتونا ميتين ونحنا أحياء يا بلا وجدان.. ولك وين ريحة الطيون والزعتر يلي بدلتوها بريحة جتت ولادنا أهالينا.. وبعدكن عم تتقاتلو عالسلطة؟!! ولك روحو انقبرو فلّو… صاير ومكتّر صاير ومكتّر..بس إنو كانو الدني عم تشتي.. كيف قادرين تستخفو فينا؟! كيف قادرين تستخفو بعقولنا وأرواحنا؟! مش عم نفهم كيف؟ إذا انتو مش فاهمين مصيبة، وإذا انتو فاهمين مصيبة أكتر”.
إشارة إلى أن نجوى كرم تقيم في منزلها بمنطقة المنصورية، وهي وعائلتها بخير وصحة جيدة

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.